Local Heading

ન્યુઝિલેન્ડમાં થયેલા આતંકી હુમલામાં પાંચ ગુજરાતીઓના મોત

વડોદરા – ન્યુઝિલેન્ડના ક્રાઈસ્ટચર્ચ શહેરની મસ્જીદમાં થયેલા આતંકી હુમલામાં ગુજરાતના પાંચ જણાના મોત નીપજ્યા છે. જેમાં વડોદરાના પિતા-પુત્ર, અમદાવાદના વેપારી, નવસારીના યુવક અને ભરુચના વયોવૃધ્ધનો સમાવેશ થાય છે. પાંચે મૃતકોની લાશો મેળવવા માટે તમામના પરિવારજનોને ઝડપી વિઝા મળે તે માટે રાજ્ય સરકાર સક્રિય થઈ છે.

ન્યુઝિલેન્ડના ક્રાઈસ્ટચર્ચ શહેરમાં જે સમયે આતંકી હુમલો થયો તે વખતે વડોદરાના આજવા રોડ પર રહેતા આરટીઓ એજન્ટ અને તેમનો જુવાનજોધ પુત્ર ત્યાં મૌજુદ હતા. આતંકી હુમલા બાદ બંનેનો કોઈ સંપર્ક સધાયો ન હતો. આખરે, ન્યુઝિલેન્ડ સરકારે બંનેને મૃત ઘોષિત કર્યા હતા. તેવી જ રીતે ભરુચ જિલ્લાના લુવારાના મૂળ વતનીનું પણ મોત નીપજ્યુ હતુ.

ઉપરાંત, અમદાવાદના જુહાપુરામાં રહેતા અને હાલમાં ન્યુઝિલેન્ડમાં સ્થાયી થયેલા મહેબુબ ખોખરનું પણ મોત નીપજ્યું હતુ. સાથોસાથ નવસારીના અડદા ગામના જુનેદ કારાને પણ ગોળી વાગતા તેનું પણ મોત થયુ હતુ. આમ, આતંકી ઘટનામાં પાંચ ગુજરાતીઓના મોત નીપજતાં રાજ્ય સરકાર ચોંકી ઉઠી હતી.

આ બનાવની જાણ થતાં જ રાજ્યના મુખ્યમંત્રી વિજય રુપાણીએ વરિષ્ઠ સચિવોને સૂચના આપી હતી કે, આતંકી હુમલામાં માર્યા ગયેલા ગુજરાતીઓના પરિવારને તાત્કાલિક વિઝા મળે તેવી વ્યવસ્થા કરવામાં મદદરુપ થાવ. બીજી તરફ ન્યુઝિલેન્ડના આતંકી હુમલાના વિરોધમાં રાજ્યમાં ઠેરઠેર વિરોધ પ્રદર્શન થયા હતા. જેમાં વડોદરાના મુસ્લીમ સમાજના લોકોએ મૌન રેલી યોજીને આતંકી હુમલાનો વિરોધ નોંધાવ્યો હતો.

Related posts

રથયાત્રાના રૃટ પર પોલીસનો લોખંડી બંદોબસ્ત

Alkesh Vyas

બાજવામાં ક્રિકેટ સટ્ટાનો હિસાબ કરતો બુકી ઝડપાયો

Alkesh Vyas

માંજલપુરમાં યુવાન ફોટોગ્રાફરનો ભેદી કારણસર આપઘાત

Alkesh Vyas

અણખોલ ગામે ઝિમ્બાબ્વેના ચાર નાગરિકો દ્વારા વડોદરાના યુવક ઉપર હુમલો

Alkesh Vyas

વાઘોડિયાના ગણેશપુરામાંથી સાત ફૂટનો અજગર ઝડપાયો

Alkesh Vyas

દસ હજારમાં દોઢ ટનનું એ.સી આપવાના ખોટા મેસેજથી વીજ કંપનીની ઓફિસોમાં ભીડ ઉમટી

Alkesh Vyas

This website uses cookies to improve your experience. We'll assume you're ok with this, but you can opt-out if you wish. Accept Read More