Local Heading

વાસણ ચોર ગેંગ ઝડપાઈ, 29 તપેલા-15 કથળોટ જપ્ત

વડોદરા – શહેરના વિવિધ મેરેજ હોલના રસોડામાંથી સ્ટિલના મોટા તપેલા અને વજનદાર કથળોટોની ચોરી કરતી વાસણ ચોર ગેંગને નવાપુરા પોલીસે ઝડપી પાડી છે. પોલીસે પકડાયેલી ગેંગના ત્રણ સદસ્યો પાસેથી 29 મોટા તપેલા, 15 કથળોટ, 1 ટેમ્પો, મોબાઈલ અને રોકડ રકમ સહિત કુલ રુપિયા 4,65,000નો મુદ્દામાલ જપ્ત કરી તપાસ શરુ કરી છે.

પોલીસ સૂત્રોએ જણાવ્યુ હતુ કે, શહેરના જુદાજુદા મેરેજ હોલના રસોડામાંથી વજનદાર વાસણોની ચોરીની ઘટનાઓ ઉપરાછાપરી બની હતી. જેથી પોલીસે વાસણ ચોર ગેંગને પકડવા માટે ચક્રોગતિમાન કર્યા હતા.

દરમિયાન નવાપુરા પોલીસે વાસણ ચોર ગેંગના ત્રણ સદસ્યોને આબાદ ઝડપી પાડ્યા હતા. પકડાયેલા શખ્સો પાસેથી પોલીસને 29 મોટા તપેલા, 15 વજનદાર કથળોટ સહિત 1 ટેમ્પો, મોબાઈલ ફોન અને રોકડ રકમ સહિત કુલ રુપિયા 4,65,000નો મુદ્દામાલ જપ્ત કર્યો છે.

પકડાયેલા શખ્સોમાં રવિન્દ્ર ઉર્ફે રવિ રાજપૂત, હિતેશ રાજપૂત અને દિપક શર્માનો સમાવેશ થાય છે. પોલીસે આ ગેંગ સાથે સંડોવાયેલા અન્ય શખ્સોની તલાશ શરૂ કરી છે. પોલીસની પ્રાથમિક તપાસમાં ખુલાસો થયો હતો કે, વાસણ ચોર ગેંગના સદસ્યો મેરેજ હોલમાં વેઈટર તરીકેનું કામ કરતા હતા અને પ્રસંગ દરમિયાન રસોડાના વાસણોની સ્થિતી જાણી લેતા હતા. ત્યારપછી રાત્રિ દરમિયાન તેઓ રસોડામાં ઘુસીને વજનદાર વાસણો મેરેજ હોલની બહાર સુધી લઈ આવતા હતા. જેને સિફતતાથી ટેમ્પામાં મુકીને ફરાર થઈ જતા હતા. પોલીસે આ ગેંગની વધુ પુછપરછ હાથ ધરી છે.

Related posts

રથયાત્રાના રૃટ પર પોલીસનો લોખંડી બંદોબસ્ત

Alkesh Vyas

બાજવામાં ક્રિકેટ સટ્ટાનો હિસાબ કરતો બુકી ઝડપાયો

Alkesh Vyas

માંજલપુરમાં યુવાન ફોટોગ્રાફરનો ભેદી કારણસર આપઘાત

Alkesh Vyas

અણખોલ ગામે ઝિમ્બાબ્વેના ચાર નાગરિકો દ્વારા વડોદરાના યુવક ઉપર હુમલો

Alkesh Vyas

વાઘોડિયાના ગણેશપુરામાંથી સાત ફૂટનો અજગર ઝડપાયો

Alkesh Vyas

દસ હજારમાં દોઢ ટનનું એ.સી આપવાના ખોટા મેસેજથી વીજ કંપનીની ઓફિસોમાં ભીડ ઉમટી

Alkesh Vyas

This website uses cookies to improve your experience. We'll assume you're ok with this, but you can opt-out if you wish. Accept Read More